नर्वेद्वारा तालिवान सरकारलाई मान्यता दिन इन्कार

ओस्लो । नर्वेली विदेशमन्त्री एनिकेन हुइटफेल्डले नर्वेले आतङ्कवादको लागि संयुक्त राष्ट्रसंघ प्रतिबन्धअन्तर्गत रहेको तालिबानलाई मान्यता दिने बारे कुनै सोच नरहेको स्पष्ट पारेका छन्।
विदेशमन्त्री हुइटफेल्डले म्युनिख सुरक्षा सम्मेलनमा भने, “हामी [तालिबान] लाई मान्यता दिन अनिच्छुक छौं र त्यसो गर्दैनौं ।”
अफगानिस्तानमा तालिबानको सत्ता आरोहण अगस्टको मध्यमा भएको थियो । त्यसयता अफगानिस्तानमा आर्थिक अव्यवस्था र गम्भीर मानवीय सङ्कट निम्त्यिएको छ।

सेप्टेम्बरको शुरुमा तालिबान नेतृत्वले पहिलो तालिबान सरकारका प्रमुख सदस्य मोहम्मद हसन अखुन्दको नेतृत्वमा अन्तरिम सरकार गठनको घोषणा गरेको थियो ।
अफगानिस्तानको इस्लामिक इमिरेट्सको पुनर्स्थापनाको घोषणा डिसेम्बरमा गरिएको थियो तर अझै पनि त्यसले अन्तरराष्ट्रिय मान्यता प्राप्त गर्न सकेको छैन।