फार्नब्रोबाट हराएका हुम गुरुङ सकुशल घर फर्किए (अपडेट)

लण्डन । बेलायतको फार्नब्रो क्षेत्रबाट शुक्रबार बिहानदेखि हराएका हुम गुरुङ सकुशल घर फर्किएका छन् ।

शनिबार अपरान्ह उनी बस चढेर घर आएको स्थानीय ग्रेटर रसमुर नेपाली कम्युनिटीका अध्यक्ष मान गुरुङले जानकारी दिए ।

अहिले प्रहरीले उनीसित भेटी उनको स्वास्थ्य अवस्था लगायतका बारेमा जानकारी लिइरहेको अध्यक्ष गुरुङले बताए ।

यसअघि शुक्रबार राति स्थानीय ह्याम्पसायर प्रहरीले ७४ वर्षीय गुरुङको खोजीका लागि सर्वसाधारणलाई अपील गरेको थियो ।

प्रहरीका अनुसार शुक्रबार बिहान ११:३० बजे फार्नब्रोको कासवेल क्लोजबाट सम्पर्कविहीन भएको प्रहरीको भनाइ छ ।