बेलायतका लागि नेपाली राजदुतमा ज्ञानचन्द्र आचार्य नियुक्त

लण्डन । राष्ट्रपति विद्यादेवी भण्डारीले संयुक्त अधिराज्य (बेलायत) को राजदूतमा ज्ञानचन्द्र आचार्यलाई नियुक्त गरेकी छन् ।

संसदीय सुनुवाइ प्रक्रिया पूरा भएपछि सरकारको सिफारिसमा राष्ट्रपतिले आचार्यलाई राजदूतमा नियुक्त गरेकी हुन् ।
संविधानको धारा २८२ बमोजिम राष्ट्रपतिले आचार्यलाई आवासीय राजदूत पदमा नियुक्त गरेको राष्ट्रपति कार्यालयले शुक्रबार जारी गरेको विज्ञप्तिमा उल्लेख छ ।

यसअघिका राजदुत लोकदर्शन रेग्मीलाई सरकारले फिर्ता बोलाएपछि बेलायतमा राजदुत रिक्त थियो ।

उनको नियुक्तिसँगै पूर्ववर्ति राजदुतको पालामा तय भएको गोरखा भूतपूर्व सैनिकहरूको समस्याका बारेमा बेलायत र नेपाल सरकारबीचको वार्ताले गति लिने गोरखाहरूको अपेक्षा छ।

 

 

 

प्रतिक्रिया

सम्बन्धित सामाग्री