ह्याम्पसायर अकाण्टेण्टसद्वारा ‘गोरखा: विनिथ द ब्रेभरी’ लाई निशुल्क सेवा

लण्डन । ह्याम्पसायर अकाउण्टेण्टसले प्रथम भिक्टोरिया क्रस (भिसी) विजेता गोरखा सैनिक कुलवीर थापाका बारेमा बनेको चलचित्र ‘गोरखा:विनिथ द व्रेभरी’ को लेखासम्बन्धी सम्पूर्ण कार्य निशुल्क गर्ने भएको छ ।

ह्याम्पसायर अकाउण्टेण्टसका निर्देशक राजा थापाले प्रथम भिक्टोरिया क्रस विजेता गोरखा सैनिकको जीवन गाथामा आधारित ऐतिहासिक चलचित्रको एउटा अंग हुन पाउँदा खुशी लागेको बताए ।

आफू समाजसेवी स्वभावको भएको उल्लेख गर्दै उनले आफूले जहिले पनि सकेको सहयोग गर्न तयार भएको बताए । गोरखा सैनिकका बारेमा बनेको यस चलचित्रको पृष्ठभूमिले आफूलाई यस परियोजनामा सहभागी हुन उत्प्रेरित गरेकाे उनको भनाइ छ । यस चलचित्रले गोरखाहरुको कथालाई ठूलो समुदायसम्म पुर्याउने विश्वास उनले व्यक्त गरेका छन् ।

उनले अन्यलाई पनि यदि अकाउण्टिङ सेवाका बारेमा कुनै जानकारी लिन वा त्यस्तो सेवा चाहिएको भए सम्पर्क गर्न अनुरोध गरेका छन् ।