शुक्रबार, माघ ७ २०७८ | Fri, January 21, 2022
नेपालको समय: ०२:२२ | UK Time: 20:37

बेलायती राजकुमार आन्ड्रयूको शाही जिम्मेवारी खोसियो

वीनेपाली
२०७८ पुष २९ गते १७:४८

लण्डन । अमेरिकी अदालतमा यौन दुर्ब्यवहारसम्बन्धी मुद्दा खेपिरहेका बेलायती राजकुमार आन्ड्रयूको शाही जिम्मेवारी खोसिएको छ ।

बेलायती राजप्रासादले विहीबार अपराह्न सो कुराको पुष्टी गरेको छ ।

राजकुमार आन्ड्रयूले सम्हालिरहेको शाही जिम्मेवारी राजपरिवारका अन्य सदस्यहरुलाई बाँडिने र उनले नागरिकको हैसियतले उनीविरुद्ध लगाइएको मुद्दाको सामना गर्ने बताइएको छ ।

उनले राजपरिवारका सदस्यका रुपमा अब कुनै पनि समारोहमा भाग लिन पाउने छैनन् भने बेलायती सेनामा उनले पाएको ओहोदा पनि हटाइएको छ ।

‘ड्यूक अफ योर्क’को उपाधि पाएका राजकुमार आन्ड्रयूले आफ्ना सबै कार्यभार महारानीसमक्ष फिर्ता गरेको जनाइएको छ ।

बेलायती महारानीका माहिला छोरा राजकुमार आन्ड्रयूमाथि एक किशोरीले आफूमाथि यौन दुर्ब्यवहार गरिएको भनी अमेरिकामा मुद्दा दायर गरेकी छिन् । तर राजकुमार आन्ड्रयूले सो आरोपलाई अस्वीकार गर्दै आएका छन् । उनले सो मुद्दालाई निस्प्रभावी बनाउन दिएको निवेदन बुधबार मात्र खारेज भएको थियो ।

मुद्दा लड्नका लागि आवश्यक खर्च जुटाउन उनले निजी पानीजहाज पनि यसै साता बेचेका छन् भने मुद्दाका निवेदकसित सहमतिमा मुद्दा मिलाउन विभिन्न प्रयास पनि गरिरहेका छन् ।

प्रतिक्रिया

सम्बन्धित सामाग्री

फेसबुक