बुधबार, माघ १२ २०७८ | Wed, January 26, 2022
नेपालको समय: २३:२३ | UK Time: 17:38

रोधीघर-३ ल्याउँदै मिलन तमु

वीनेपाली
२०७८ पुष २३ गते ७:४६

लन्डन । बेलायतका चर्चित फोटोग्राफर तथा सन्चारकर्मी मिलन तमु गुरुङले नेपाली मौलिक चुट्का (कौह्रा) गीतहरुको स‌ंगालो ‘रोधीघर’ भाग ३ ल्याउने भएका छन् ।

रोधीघर भाग १ र २ को अपार सफलतापछि गीतकार एवं गोर्खा मिडियाका प्रबन्ध निर्देशकसमेत रहेका तमु र गायक, संगीतकार तथा रचनाकार रामकुमार (आरके) गुरुङले तेस्रो भाग ल्याउने तयारी थालेका हुन् । नयाँ म्युजिक भिडियोको रेकर्डिङ र छायांकन नेपालमै हुने सर्जक तमुले जनाए ।

भूपू ब्रिटिस आर्मी तमु र आरके गुरुङले २०७५ सालमा रोधीघर भाग २ ल्याएका थिए । ‘पहिलो र दोस्रो भाग धेरैले मन पराउनुभयो । त्यसैले नयाँ भाग तयार गर्दैछौं,’ गीतकार तमुले भने ।

यसअघि नै रोधीघर भाग ३ ल्याउने तयारी भए पनि कोरोना भाइरस महामारीका कारण ढिला भएको तमुको भनाइ छ ।

नयाँ गीतमा पुरुष आवाज आरके गुरुङले दिनेछन् । महिला स्वरका लागि भ्वाइस अफ नेपाल तथा नेपाल आइडलमा जोडिएका कलाकारहरुसँग कुराकानी भइरहेकोले तमुले बताए ।

प्रतिक्रिया

सम्बन्धित सामाग्री

फेसबुक