अल्डरसटमा दुई नेपाली सुन पसल चोरी

 

लण्डन । बेलायतमा नेपालीहरूको बाक्लो बसोबास रहेको अल्डरसटमा नेपाली व्यवसायीहरूबाट संचालित दुई सुन पसल बिहीबार राति चोरी भएको छ ।

स्थानीय काउन्सिलर जीव बेलबासेले प्रहरीबाट पाएको जानकारी अनुसार राति ३ बजे लुटेराहरूले गाडीले हानेर अनुग्रह र न्यू लक्ष्मी ज्वेलरी चोरेको जानकारी दिए ।

प्रहरी आएपछि लुटेराहरू घटनामा प्रयोग भएको गाडी छोडेर भागेको बताइएको छ ।

घटनामा के कति चोरी भयो खुल्न बॉकी छ ।

ह्याम्पसायर प्रहरीमा कार्यरत सामुदायिक प्रहरी अधिकृत दुर्गा थापाले सो घटनाको अनुसंधान चलिरहेकाले विस्तृत विवरण आउन केही समय लाग्ने बताए ।

रसमुर क्षेत्रमा नेपालीहरूको घर र पसलहरूमा गरगहना लक्षीत गरी चोरी भइरहेकोमा चिन्ता व्यक्त गर्दै काउन्सिलर वेल्वासेले नेपालीहरूलाई प्रहरीको सल्लाह पालना गर्न सुझाव दिए ।

तस्वीरहरु गोरखा मिडिया