लण्डन । बेलायतमा आएका मंगोलियन हार्टका लोकप्रिय गायक राजु लामाको कन्सर्ट पूर्वी लण्डनमा हुँदैछ ।
बार्किङमा रहेको स्पटेड डग पबमा यही शनिबार (२० नोभेम्बर) को साँझमा उनको सांगीतिक प्रस्तुति हुन लागेको हो ।
बेलुका ६ बजेदेखि शुरु हुने सो कन्सर्टमा लामाले आफ्ना नयाँ र पुराना चर्चित गीतहरु गाउने छन् भने उनलाई सिक्का ब्याण्डले साथ दिनेछ ।सो कन्सर्ट हेर्नका लागि अग्रिम बुकिङमा २० पाउण्ड र कार्यक्रम स्थलमा २५ पाउण्ड टिकट तोकिएको छ ।
टिकट दक्षिण पूर्वी लण्डनको प्लमस्टिडमा रहेका एभरेष्ट स्टोर र डाँफे रेष्टुरेन्ट साथै वेलिङको मनकामना स्टोर र स्टडेट डग बार्किङबाट किन्न सकिनेछ ।
