लण्डन ।फाइजरले विकास गरेको कोभिडविरुद्ध खाने चक्की मेहक एण्ड इन्कको भन्दा प्रभावकारी पाइएको छ ।
प्याक्सलोभिड नाम दिइएको सो चक्कीले कोभिडका बिरामीहरुलाई अस्पताल भर्ना हुनबाट ८९ प्रतिशतले कम गरेको आज प्रकाशित नतिजामा बताइएको छ ।
यसअघि मोल्नुपीरभिरले अस्पताल भर्ना हुनबाट ५० प्रतिशतले बचाएको पाइएको थियो ।
फाइजरले सो औषधिलाई सर्वसाधारणमा प्रयोगका लागि चाँडै नै आवेदन दिने बताएको छ ।
सो औषधि कोभिडका बिरामीलाई दिनको दुईपटक पाँच दिनसम्म खुवाउनु पर्ने छ ।
बेलायतले सो औषधिको २ लाख ५० हजार चक्की अर्डर गरिसकेको छ ।
