गोर्खा नेपाली समाज स्वीण्डनको भेटघाट साँझ

लण्डन । गोरखा नेपाली समाज स्वीण्डनले वार्षिक भेटघाट तथा भलिबल प्रतियोगिताको समीक्षा गरेको छ ।

कार्यक्रमको संचालन महासचिव लाल लिंग्देनले गर्नु भएको थियो। समाजका सल्लाहकारहरु, संरक्षक, विशेष सल्लाहकार र कार्य समितिका अध्यक्षलगायत सम्पूर्ण सदस्यहरुको उपस्थितिमा भएको बैठकले भलिबल खेल अति नै सौहार्दपूर्ण  तरिकाले सम्पन्न भएको निष्कर्ष निकालेको थियो । भलिबल खेलमा महिला र पुरुषको गरी २० वटा टीमले भाग लिएको उक्त प्रतियोगितामा दुई वटा टीमलाई समावेस गर्न नसकेकोमा क्षमायाचना गर्दै समाजले अर्को पटकको लागि प्रतियोगितामा भाग लिनको लागि आह्वान गरेको छ।

दशैं, तिहार र छठ पर्वको बिचमा पारेर गरेको आयोजना गरिएको उक्त कार्यक्रममा अध्यक्ष चन्द्रकला लिम्बू र भलिबल संयोजक तथा समाजकी उपाध्यक्ष मनु पाइजाले दशैं, तिहार र छठ पर्वको शुभकामना दिँदै कार्यक्रम सफल पार्नको लागि भौतिक तथा आर्थिक रुपमा सहयोग गर्ने  सम्पूर्ण सहयोगीहरुलाई धन्यबाद दिनु भएको थियो।