बुद्ध फाउण्डेसन युकेद्वारा नेपालको राहदानी र नोटमा बुद्धको तस्वीर राख्न माग

लण्डन । बुद्ध फाउण्डेसन युकेले नेपालको राहदानी तथा नोटमा गौतम बुद्धको तस्वीर राख्न माग गर्दै नेपाल सरकारलाई ज्ञापन पत्र बुझाएको छ ।

बेलायतका लागि नेपाली राजदुत लोकदर्शन रेग्मीमार्फत नेपाल सरकारलाई बुझाइएको सो ज्ञापन पत्रमा नेपालको राहदानीमा गौतम बुद्ध तथा लुम्बिनीका तस्वीरहरु समावेश गर्न माग गरिएको छ भने बुद्धका भनाइहरु समेट्न पनि अनुरोध गरिएको छ ।

फाउण्डेसनले बेलायतमा बुद्धको सन्देश, उनको जन्मस्थल र नेपालको प्रचारप्रसार गरिररहेको जानकारी गराउँदै यस्ता कार्यमा सहयोगका लागि नेपाल सरकारसित आग्रह पनि गरेको छ ।

लुम्बिनी क्षेत्रको विकासका लागि अन्तर्राष्ट्रिय क्षेत्रबाट प्राप्त हुने सहयोगका लागि पहल गरिदिन पनि फाउण्डेसनले माग गरेको छ ।

फाउण्डेसनका अध्यक्ष दीपक श्रेष्ठको नेतृत्वमा गएको टोलीले सो ज्ञापन पत्र बुझाएको थियो ।