लण्डन । नेकपा एमालेको प्रवासस्थित संगठन प्रवासी नेपाली एकता मन्चले नेकपा एमालेको आजबाट शुरु भएको विधान महाधिवेसनको सफलताका लागि शुभकामना दिएको छ ।
मन्चका अध्यक्ष भक्त गुरुङ र महासचिव रमेश पाण्डेले शुक्रबार एक विज्ञप्ति प्रकाशित गर्दै एमालेको सांगठानिक इतिहासमा प्रथम चोटी आयोजना गरिएको विधान महाधिवेसनको सफलताका लागि हार्दिक शुभकामना व्यक्त गरेका छन् । विधान महाधिवेसनले मन्चलाई र मन्च सम्बद्द सबैलाई अत्यन्त खुसी तुल्याएको पनि विज्ञप्तिमा बताइएको छ ।
दुई राष्ट्रिय महाधिवेशन बीचमा हुने विधान महाधिवेशन पार्टीको नीति, सिद्धान्त, विधि र विधान निर्माणको निर्णायक स्थलको रुपमा साबित हुने अपेक्षा पनि मन्चले गरेको छ ।
सरकार अन्यौलमा रहेको आरोप लगाउँदै मन्चले यस्तो अवस्थामा राष्ट्रको अगुवाई गर्नुपर्ने गहन जिम्मेवारी एमालेको काँधमा आएको र त्यसका लागि महाधिवेसन सफल हुने पनि विज्ञप्तिमा उल्लेख छ
