शनिबार, असोज ३० २०७८ | Sat, October 16, 2021
नेपालको समय: ०८:०८ | UK Time: 03:23

ब्राईटनको सामुन्द्रिक किनारमा घन्कियो सालैजो

वीनेपाली
२०७८ असोज ३ गते २२:२७

लण्डन। बेलायतको विभिन्न क्षेत्रमा बसोबास गरिरहेका भूपू गोर्खाहरुलाई अन्तराष्ट्रिय अर्गनाईजेसन कम्युनिटिज एण्ड नेचर (क्यान)ले कल्याणकारी सेवा दिँदै आइरहेको छ । यसैक्रममा लण्डन क्षेत्रमा बसोबास गरिरहेका भूपू गोर्खाहरुलाई क्यानले शनिबारको दिन ब्राईटनको सामुन्द्रिक किनार भ्रमण गराएको थियो ।

सामुन्द्रिक किनार पुगेर भलाकुसारी गर्दै पिकनिक खाएर मादलको तालमा नाचगान कार्यक्रम भएको थियो । सालैजो भाकाका गीतहरु सुनेर साउथ अफ्रिकादेखि आएका भ्रमण टोलीले पनि मनोरञ्जन लिएका थिए भने अन्य विदेशीहरुले पनि फोटो खिचेका थिए । सामुन्द्रिक किनारमा मात्र हैन, भ्रमणमा आउँदा जाँदा पनि दोहोरी गीत गाउँदै रमाईलो गरेको समाजसेवी डेभिड गुरुङले बताउनु भयो ।

रिटार्यर्ड डब्ल्युओटु खम्बासिंग राईले भन्नु भयो, ‘दुई वर्षको अन्तरालपछि लामो दुरीको यात्रा गरी रमाईलो गर्ने मौका पाइयो । अर्गनाईजरलाई हामी सबैको तर्फबाट धन्यवाद ।’

सेप्टेम्बर महिनाको तेस्रो हप्ता भए पनि मौषमले साथ दिएकोमा सबै हाँसीखुशी देखिन्थे । बिहानको एघार बजे दुईवटा कोचले उनीहरुलाई लण्डनको नर्थोल्टबाट ब्राईटन सामुन्द्रिक किनार भ्रमण गराएर बेलुकी साढे सात बजे नर्थोल्टमै ल्याइ पुर्याएको थियो ।

सो भ्रमणका लागि तमुधीँ लण्डन, नातागोता परिवार युके, स्याङजा समाज युके, सोंपाल समाज युके लगायतका संस्थाहरुले क्यानसँग सहकार्य गरेका थिए ।

प्रतिक्रिया

सम्बन्धित सामाग्री

फेसबुक