एनआरएनए युके निर्वाचनमा तीन पत्रकारलाई पर्यवेक्षकको जिम्मेवारी

लण्डन । एनआरएनए युकेको राष्ट्रिय समन्वय समितिको निर्वाचन तथा राज्यसमितिहरुको निर्वाचनको पर्यवेक्षणका लागि बेलायतमा कार्यरत तीन पत्रकारलाई जिम्मेवारी दिइएको छ ।

निर्वाचन समितिले सोमबार बिहान नेपाल पत्रकार महासंघ युके शाखाका अध्यक्ष ध्रुवराज अर्याल, निवर्तमान अध्यक्ष नरेश खपाङ्गीमगर र अग्रज पत्रकार भगिरथ योगीलाई पर्यवेक्षक नियुक्त गरेको हो ।

पर्यवेक्षकहरुले आज र भोलि सम्पन्न हुँदै गरेको निर्वाचनको अनुगमन गर्ने बताइएको छ ।

यसअघि एनआरएनए युरोप क्षेत्रीय समन्वय समितिले केन्द्रीय सल्लाहकार विश्वआदर्श पण्डितलाई पर्यपेक्षक तोकिसकेको छ भने एनआरएनए युके निर्वाचन समितिले प्रवेश केसी, रामशरण सिंखडा, लेफ्टिनेण्ट रिटायर्ड चन्द्र गुरुङ, ओमप्रसाद थापा, क्याप्टेन राजु गुरुङ र भोला खनाल रहेको निर्वाचन समितिको सल्लाहकार समिति गठन गरेको छ भने निर्वाचनका लागि तीन जना अध्यक्षका प्रत्याशीको प्रतिनिधिसमेत राखेको  छ ।

प्रतिक्रिया

सम्बन्धित सामाग्री