लण्डन । गैरआवासीय नेपाली संघ (एनआरएनए) यूकेको आसन्न निर्वाचनमा पदमबहादुर गोलेले कार्यसमितिको सदस्यमा उम्मेदवारी दिने भएका छन् ।
मिडल्याण्डस्थित नटिंघममा बसोबास गर्ने समाजसेवी गोले नटिङ्घम नेपाली समाजका वर्तमान कार्यसमिति सदस्य हुन् । मिजासिला स्वभावका उनी पेशाले एक सफल रेष्टुरेण्ट ब्यवसायी हुन् । उनी केही वर्षदेखि ग्रान्थममा रेष्टुरेन्ट ब्यबसाय गर्दै आइरहेका छन्।
पुर्ख्यौली जन्मघर काभ्रेपलाञ्चोक जिल्लाको दाप्चा रहेका गोलेको हालको बसोबास सर्लाहीको लालबन्दीमा रहेको छ।
उनी सन् २०१० देखि बेलायतमा विभिन्न सामाजिक सेवामा संलग्न छन् । बेलायत आउनु अगाडी मध्यपूर्वमा विभिन्न सामाजिक कार्यमा सकृय रहेका थिए । दुबईमा रहँदा उनले दुःखमा परेका नेपाली दाजुभाई दिदीबहिनीहरुलाई सहयोग गरेका थिए । गोलेले त्यसअघि मलेसियामा पनि नेपाल पिडीत राहत सेवा समाजको सचिव भै २००३ देखि २००६ सम्म उल्लेखनीय काम गरेका थिए।
गैरआवासीय नेपाली संघ यूकेको यहि ३१ जुलाईमा निर्वाचन सम्पन्न हुदैछ
