तस्वीर गेट्टी इमेज
लण्डन । इङल्याण्ड युरोपमा भइरहेको युरो २०२० को फाइनलमा पुगेको छ ।
इङल्याण्डले बुधबार बेलुकी लण्डनको वेम्व्ली स्टेडियममा भएको खेलमा डेनमार्कलाई २-१ ले हराउँदै फाइनलमा प्रवेश गरेको हो ।
निर्धारित ९० मिनेटभित्र दुवै टीमबाट १-१ गोल भएपछि थपिएको अतिरिक्त समयमा इङल्याण्डले पेनाल्टी पाएको थियो । इङल्याण्डका क्याप्टेन ह्यारी केनले प्रहार गरेको पेनाल्टी डेनमार्कका गोलकिपरले रोकेका थिए तर उनले रोकेर फर्किएको बललाई केनले पुन गोलपोष्टभित्र छिराएका थिए ।
सन् १९६६ मा फुटबलको विश्वकप जितेपछि इङ्ल्याण्ड ठूला फुटबलको प्रतियोगिताको फाइनलमा पुगेको थिएन ।
इङल्याण्डले आइतबार फाइनल खेल इटलीसित खेल्नेछ ।
