बिहीबार, साउन २१ २०७८ | Thu, August 05, 2021
नेपालको समय: ०४:५१ | UK Time: 00:06

अनेसास युकेद्वारा सुप्रमा-ईप्रमा पुरस्कारका लागि पुस्तक आव्हान

वीनेपाली
२०७८ असार ५ गते १६:२०

लण्डन । अन्तर्राष्ट्रिय नेपाली साहित्य समाज युकेले सुप्रमा-ईप्रमा पुरस्कार २०२१ का लागि बेलायतबाट प्रकाशित पुस्तकहरु पठाउन सर्जकहरुलाई आह्वान गरेको छ ।

समाजले बेलायतमा रहेका सर्जकहरुबाट मे २०२० देखि मे २०२१ सम्ममा प्रकाशित कृतिहरु पठाउन आह्वान गरेको हो ।

समाजका अध्यक्ष लाराको सभापतित्वमा शुक्रबार बसेको बैठकले स्रष्टाहरुलाई तीन थान कृति पठाउन अनुरोध गर्ने निर्णय गरेको संस्थाका सल्लाहकार तथा पुरस्कार समिति संयोजक डा रुपक श्रेष्ठले जनाए।

बेलायतका अग्रज नेपाली साहित्यकार ईश्वरप्रसाद मानन्धरबाट आफ्नो स्वर्गीय बुवा सुन्दरप्रसाद मानन्धरको सम्मानमा सन् २०१२ मा स्थापना गरिएको सो पुरस्कारको राशी £२५१ रहेको छ । सो पुरस्कार हाल ईश्वर मानन्धरकी धर्मपत्नी जानकी तथा मानन्धर परिवारबाट संचालित भैरहेको छ।

सो पुरस्कारबाट मुकेश राई – २०१४, दुर्गा प्रसाद पोख्रेल – २०१५, केदार संकेत – २०१६, कृष्ण बजगाई – २०१७, डा सुमाया राई – २०१८, नृपेश उप्रेती – २०१९, देवेन्द्र खेरेस – २०२० बाट पुरस्कृत भैसकेका छन्।

सर्जकहरुले जुलाई ७ भित्र निम्न ठेगानामा पुस्तक पठाउनु पर्नेछ ।  7 Upper Town Road, Greenford, UB6 9JE

प्रतिक्रिया

सम्बन्धित सामाग्री

फेसबुक