सोमबार, जेठ ३१ २०७८ | Mon, June 14, 2021
नेपालको समय: ०८:५५ | UK Time: 04:10

तनहुँ समाज युकेले तनहुँका सबै स्थानिय तहमा स्वास्थ्य सामग्री तथा अक्सिजन सिलिण्डर सहयोग गर्ने

वीनेपाली
२०७८ जेठ २४ गते १३:०७

लण्डन । तनहुँ समाज युकेले तनहुँका सबै स्थानिय निकायमा रहेका आइसोलेसन केन्द्रहरुमा अक्सिजन सिलिण्डर तथा स्वास्थ्यसामग्री सहयोग गर्ने भएको छ ।

समाजका अध्यक्ष लेख गुरुङका अनुसार बेलायतमा रहेका समाजका सदस्यहरुबाट सहयोग संकलन गरी सहयोग गर्न लागिएको हो ।

समाजले कोरोना भाइरसको संक्रमणका कारण तनहुँका विभिन्न स्थानमा मानिसहरु प्रभावित भएको भन्दै उनीहरुको उपचारमा सघाउन यस्तो सहयोग गर्न लागिएको हो । यसरी संकलित रकम सबै स्थानिय निकायमा न्यायपूर्ण रुपमा वितरण गरिने पनि समाजले जनाएको छ ।

समाजले संकलन गरेको ४ हजार ८८५ पाउण्ड नेपाल रेडक्रस सोसाइटी कोटदरबार उपशाखाका सभापति इन्द्रबहादुर आलेमार्फत तनहुँ उद्योग वाणिज्य संघलाई हस्तान्तरण गरिने र संघमार्फत आइसोलेसन केन्द्रहरुमा पुर्याइने छ ।

समाजले सहयोगदाताहरुलाई हार्दिक धन्यवाद दिएको छ ।

प्रतिक्रिया

सम्बन्धित सामाग्री

फेसबुक