लण्डन । कोरोना भाइरसविरुद्धको खोपको होडमा अग्रपंक्तिमा रहेको अक्सफोर्ड विश्वविद्यालयको खोपको प्रभावकारिता ९० प्रतिशतसम्म हुनसक्ने प्रारम्भिक विश्लेषणल देखाएको छ ।
बेलायत तथा ब्राजिलमा हजाराैँ स्वयंसेवकहरुमा गरिएको तेस्रो चरणको परीक्षणको सोमबार सार्वजनिक शुरुवाती विश्लेषणले सो खोपले कोरोना भाइरसको संक्रमणबाट बचाउन सक्ने सम्भावना ९० प्रतिशतसम्म हुनसक्ने देखाएको हो ।
अक्सफोर्डले ओैषधि निर्माता कम्पनी आष्ट्राजेनिकासित मिलेर बनाएको AZD1222 नाम दिइएको सो खोपको पहिलो मात्रा दिइएकाहरुमा एक महिनापछि जाँच गरिँदा ९० प्रतिशतसम्म काम गरेको पाइएको देखिएको छ । यसैगरी एक महिनाको फरकमा पहिलो र दोस्रो दुवै डोज दिइएकाहरुमा ६२ प्रतिशत मात्र प्रभावकारिता देखिएको छ ।
दुवै डोज पछिको परिणामलाई ओैसलमा ७० प्रतिशत प्रभावकारी रहेको विश्लेषण गरिएको छ । तर यो विश्लेषण १३१ वटा केसमा गरिएको विश्लेषणमा आधारित छ र अन्तिम परिणाम आउँदासम्म परिवर्तन पनि हुनसक्ने जनाइएको छ ।
अक्सफोर्डको खोपको प्रभावकारिता यसअघि सार्वजनिक फाइजर, मोडना र स्पुतनिकको भन्दा कम देखिए पनि यो खोप सस्तो र ओसारपसारमा सजिलो रहेको बताइएको छ । जबकि फाइजरको खोप माइनस ७० डिग्री सेन्टिग्रेटमा भन्डारण गर्नपर्ने बताइएको छ ।
