कोरोना भाइरस नियन्त्रण गर्न वेल्समा आजदेखि १७ दिन लकडाउन

लण्डन । बेलायतको वेल्स राज्यमा कोरोना भाइरस नियन्त्रण गर्न आजदेखि १७ दिने लकडाउन शुरु भएको छ ।

आज साँझ ६ बजेदेखि सो लक डाउन शुरु भएको छ ।

लकडाउनमा मानिसहरुले सीमित कार्यका लागि मात्र घरबाट बाहिर निस्कन पाउने छन् । जसमा खानेकुरा वा ओैषधि किन्न, कसैो स्याहार गर्न, व्यायाम गर्न, घरबाट गर्न नसकिने काममा जान मात्र घरबाट निस्कन पाइने छ ।

वेल्स सरकारको यो निर्णयबाट करिब ५०० मिलियन पाउण्ड बराबरको असर वेल्सको अर्थतन्त्रमा पर्ने अर्थशास्त्रीहरुको अनुमान छ ।

लकडाउनमा यदि नातिनातिनीलाई रेखदेख गर्न अरु मानिसहरु उपलब्ध नभएको अवस्थामा हजुरबा हजुरआमाले रेखदेख गर्न पाउने बताइएको छ । यसैगरी, अलग-अलग बसोबास गर्ने दुवै अभिभावकसित बस्न बच्चाहरुले पाउने छन् । यस्तै, केयर होमहरुमा विशेष अवस्थामा जस्तै अन्तिम विदाई जस्ता अवस्थामा भेट गर्न पाइने छ ।