अल्डरसटबाट शुक्रबार साँझदेखि एक नेपाली महिला बेपत्ता

लण्डन । अल्डरसटबाट शुक्रबार साँझदेखि एक नेपाली महिला सम्पर्कविहीन भएकी छिन् ।

ह्याम्पसायर प्रहरीका अनुसार ६५ वर्षीया देवी लिम्बु शुक्रबार साँझ ५ बजे अल्डरसटको क्वीन्स रोडमा हिँड्दै गरेको देखिएकी थिइन् । त्यसपछि उनी सम्पर्कविहीन भएकी छिन् ।

प्रहरीले उनको सुरक्षाका बारेमा चासो व्यक्त गर्दै सर्वसाधारणलाई उनका बारेमा जानकारी दिन अनुरोध गरेको छ ।

करिब ५ फिट २ इन्च अग्ली लिम्बुको लामो कालो कपाल भएको र अगाडितिर फुलेको कपाल भएको बताइएको छ ।

पछिल्लोपटक उनलाई शरीरको माथिल्लो भागमा राताे कपडा लगाएको, सम्भवत रातो र कालो टिकटिक भएको पुरा बाहुला नभएको स्वेटरमाथि फ्लीस ज्याकेट लगाएको अवस्थामा देखिएको थियो । उनले रङ्गीचङ्गी लुङ्गी, रातो मोजा, कालो जुत्ता र पहेँले पटुका लगाएको पनि बताइएको छ ।

पछिल्लो समय देखिँइदा उनले नीलो प्लाष्टिकको झोला बोकेको अवस्थामा देखिएकी थिइन् ।

प्रहरीले उनका बारेमा जानकारी भएमा १०१ वा ९९९ मा फोन गरी २०२०१०१६-२२४८ रिफरेन्स उल्लेख गरी खबर गर्न अनुरोध गरेको छ ।