लण्डन । बेलायतमा रहँदै आएकी गायिका सुमिता राईले आफ्नो डेब्यु एल्बम सगुनको गीत “वाचा बन्धन” को भिडियो भर्खरै सार्वजनिक गरेकी छिन् ।
गतवर्ष सार्वजनिक गरिएको उक्त एल्बममा समेटिएका ६ वटा गीतहरुमध्ये दोस्रो नम्बरमा रहेको यस गीतका गीतकार मुकेश राई हुन् भने लय मन थुलुङ् र संगीत संयोजन हरि लम्सालले गरेका हुन् । प्रेम वियोगको गीत भएतापनि भिडियोले अहिलेको कठिन परिस्थितिमा भएका कतिपय घटनाक्रमलाई पृथक ढंगले प्रस्तुत गरिएको बताउंँछन् यस भिडियो निर्देशक एवं क्यामेरामेन भुपेन्द्र तुम्बाहाम्फे लिम्बु ।
गीत र भिडियोले छुट्टै मिठास र सन्देश बोकेर आएको यस म्युजिक भिडियोमा अहिलेका मेरो अनलाईन टिभीका चर्चित भिजे एवं पत्रकार विश्व लिम्बु, अहिले उदियमान कलाकारद्वय मलाईका बस्नेत र सुजता थुलुङ् राईको अभिनय देख्न सकिने छ । गीतमा कोरियोग्राफ स्वयं भुपेन्द्र तुम्बाहाम्फे लिम्बुले गरेका छन् भने मेक अफ आर्टिस्ट बिमल तामाङ र भिडियो सम्पादन अनिल रानाले गरेका छन् । यस म्युजिक भिडियो उनले आफ्नै युट्युब च्यानलबाट गरेकी छिन् ।
पुर्ख्यौली घर खोटाङ, बाक्सिला रहेकी सुमिता राई हाल श्रीमान खरुन राई अनि दुई छोरी नयना र सगुनसँग बेलायतको ननिटनमा बसोबास गर्छिन् । सानैदेखि नृत्य र गायनमा रुचि राख्ने सुमिताले प्रवासमा रहेर पनि आफ्नो कलामार्फत नेपाली गीत संगीतलाई माया गरेकी छिन् ।
देशबाहिर रहनुको बाध्यताले आफूले चाहेर पनि संगीत शिक्षा अधुरै छोडनु परेको पिडा अनि प्रवास आएपछि चाहे जति रियाज र अभ्यास गर्न नसकिएको दुखेसो पोख्छिन् । यद्यपि फुर्सदको समयलाई यही आफ्नो रुचिलाई तन्मयका साथ अगाडी बढाइरहेकी उनको सृर्जनाहरुका मूल्याकंन कुनै दिन अवश्यै नै होला ।
