परराष्ट्रको पत्र : एनआरएनए भर्चुअल ‘महाधिवेशन’

लण्डन । नेपाल सरकारले गैर आवासीय नेपाली संघ (एनआरएएन) लाई ‘भर्चुअल महाअधिवेशन’ गर्न सकारात्मक रहेको पत्राचार गरेको छ ।
गैरआवासीय नेपाली संघका अध्यक्ष कुमार पन्तले संघको विशेष अधिवेशनका लागिअनुरोध गरेपनि प्रस्ताव विपरीत महाधिवेशनका लागि परराष्ट्र मन्त्रालयले विहीवार सकारात्मक धारणासहित पत्राचार गरेको हो । गत साउन अन्तिम साता संघले गरेको पत्राचारको जवाफमा परराष्ट्रले जवाफ फर्काएको हो ।

परराष्ट्र मन्त्रालयद्वारा संघलाई पठाएको पत्रमा भर्चुअल महाधिवेशनको सुनिश्चितताको कागजपत्र पेश गर्न संघलाई निर्देशन दिएको छ । त्यस्तै, भर्चुअल महाधिवेशनमा पेश भएका एजेण्डाहरुमा संघको विधान अनुसार भएको निर्णयको पुष्टी गर्न भनेको छ ।

गत वर्ष सम्पन्न संघको महाधिवेशनमा पास हुन नसकेको आर्थिक प्रतिवेदन र विधान संशोधन प्रस्ताव पेश गर्न संघले बिशेष महाधिवेशन बोलाउन लागेपनि परराष्ट्रले महाधिवेशन उल्लेख गरेको छ । संघले आर्थिक प्रतिवेशन पास गर्न नसके पनि कारोबार गर्दै आएको छ ।