आइतबार, असोज ४ २०७७ | Sun, September 20, 2020
नेपालको समय: २०:४६ | UK Time: 16:01

बेलायतमा दुई वर्षयताकै उच्च बेराेजगारी

वीनेपाली
२०७७ भदौ ३० गते १२:३६

लण्डन । बेलायतमा बेरोजगारी दुई वर्षयताकै उच्च विन्दुमा पुगेको छ ।

यहाँको राष्ट्रिय तथ्याङ्क कार्यालयका अनुसार पछिल्लो तीन महिनामा बेरोजगारी बढेर ४ दशमलव १ प्रतिशतमा पुगेको छ जबकि त्यसभन्दा अघिल्लो तीन महिनामा यो दर ३ दशमलब ९ प्रतिशत थियो ।

तथ्याङ्कअनुसार रोजगारी गुमाउनेमा सबैभन्दा धेरै युवाहरु रहेका छन् । अन्य उमेर समूहको तुलनामा १६ देखि २४ वर्ष उमेर समूहकाहरु प्रभावित बनेका छन् । १६ देखि २४ वर्षभित्रका १ लाख ५६ हजारले जागिर गुमाएका छन् भने १८ देखि २४ वर्ष उमेर समूहका १ लाख ४६ हजार रोजगारविहीन भएका छन् ।

मार्चमा लकडाउन शुरुभएयता ६ लाख ९५ हजारले जागिर गुमाएका छन् ।

सरकारले ठूलो संख्यामा हुनसक्ने रोजगारी गुम्न नदिने फर्लो योजना ल्याएका थियो जसबाट ९६ लाख मानिसहरुले लाभ लिइरहेका छन् । अर्को महिनाको अन्त्यमा सो योजना समापन हुने योजना छ र तत्पश्चात कोरोना भाइरसका कारण कति मानिसको रोजगारी खोसियो भन्ने विश्लेषण गर्न सकिने विज्ञहरुको राय छ ।

 

प्रतिक्रिया

सम्बन्धित सामाग्री

फेसबुक