प्रवक्ता आरण तस्विर: शिव भण्डारी
लन्डन ।संयुक्त अधिराज्य बेलायतस्थित नेपाली दुतावासका उपनियोग प्रमुख शरदराज आरन चार बर्षे कार्यकाल सकेर ‘सुटुक्क’ नेपाल फर्किएका छन । बेलायतस्थित नेपाली समुदायवीच घनिष्ट सम्बन्ध भएका आरन चार वर्षे कार्यकाल सकेर बिहीबार दिउसो नेपाल फर्किएको दुतावासले जानकारी दिएका हो । दुतावासका अनुसार कतार एयरवेजबाट आरन परिवारसहित नेपाल फर्किएका हुन् ।
उपप्रमुख आरनलाई विदाइ गर्न राजदूत डा. दुर्गाबहादुर सुवेदी विमानस्थल पुगेका थिए । कोभिड-१९ महामारीका अवस्था देखाउदै उनी ‘सुटुक्क’ नेपालस्थित परराष्ट्र मन्त्रालयमा आफ्नो कार्यभार सम्हाल्न गएका छन ।आरनले नेपाल पुगेपछि कोभिड-१९ का कारण अन्तिम समयमा नेपाल जाने टिकट लिनु परेकाले ‘भर्चुअल’ भेटघाट हुन नसकेको जनाएका छन । उनले बेलायत बसाईका क्रममा सहयोग गर्नेलाई धन्यवाद समेत दिएका छन ।
आरन सन् २०१६ मा तेजबहादुर क्षेत्रीको ठाउंमा जिम्मेवारी सम्हाल्न बेलायतस्थित नेपाली लन्डन दूतावास आएका थिए । नेपाली समुदाय राम्रो सम्बन्ध राख्न सफल आरनले कोभिड-१९ का कठिन परिस्थितिमा नेपाली समुदायलाई दुतावासका तर्फबाट सहयोग गरेका थिए ।आरन उपप्रमुखको जिम्मेवारीमा रहदा भूतपूर्व गोर्खा मुद्दामा संयोजनकारी भूमिका निर्वाह गरिरहेका थिए ।यद्यपी गोर्खा समस्या समाधान हुन बाँकी छ ।
उनको केही महिनाअघि कार्यकाल सकिएपनि कोभिड-१९ का कारण फर्कने समय थप भएको थियो ।
