आइतबार, असोज ४ २०७७ | Sun, September 20, 2020
नेपालको समय: १९:५१ | UK Time: 15:06

रसियाले अक्टोबरदेखि कोरोना भाइरसविरुद्ध खोप लगाउने

वीनेपाली
२०७७ साउन २७ गते १४:४४

लण्डन । रसियाका राष्ट्रपति भ्लादिमिर पुटिनले रसियामा निर्मित कोरोना भाइरसविरुद्धको खोपलाई सर्वसाधारणमा प्रयोगका लागि अनुमति दिइएको बताएका छन् ।

बीबीसीका अनुसार मानवमा परीक्षण गरिएको दुई महिनाभन्दा कम समयमै रसियन नियामक निकायले सो खोपको प्रयोगमा अनुमति दिएको हो  । राष्ट्रपति पुटिनले सो खोपले सबै प्रक्रिया पूरा गरिसकेको र आफ्नो छोरीलाई यस अगावै लगाइएको पनि बताएका छन् ।

अधिकारीहरुले अक्टोबरदेखि सो खोपको मानिसहरुमा प्रयोग गर्ने योजना बनाएका छन् ।

सो खोपको तीव्र विकासप्रति विज्ञहरुले चासो देखाएका छन् । खोपको सुरक्षामा सम्झौता गरिएको हुनसक्ने उनीहरुको आशंका छ ।

विश्व स्वास्थ्य संगठनले गत साता रसियलाई खोप विकासमा अन्तर्राष्ट्रिय मापदण्डलाई पालना गर्न सुझाव दिएको थियो ।

संगठनले तेस्रो चरणको परीक्षणमा रहेका ६ वटा खोपहरुको सार्वजनिक गरेकोमा रसियाको खोप समावेश थिएन ।

विश्वमा १०० भन्दा बढी खोपहरु अहिले परीक्षणमा रहेका छन् ।

कोरोना भाइरसविरुद्धको विश्वको पहिलो खोप दाबी गरिएको सो खोप मस्कोको गामालिया इन्स्टिच्यूटमा बनाइएको बताइएको छ ।

पुटिनले सो खोप निक्कै प्रभावकारी रहेको दाबी गरिएको छ । उनले ज्वरो आउँदा आफ्नी छोरीलाई दिइएको पनि बताएका छन् ।

 

प्रतिक्रिया

सम्बन्धित सामाग्री

फेसबुक