बेलायतमा बालिकालाई बलात्कार गरेपछि गुल्मेली पुरुषलाई ९ वर्षको जेल सजाय

लण्डन ।  बेलायतमा बसोबास गर्ने एक नेपालीलाई एक बालिकालाई बलात्कार तथा यौनजन्य दुर्व्यहार गरेकोमा दोषी पाइएपछि ९ वर्षको जेल सजाय सुनाइएको छ।

बार्न्सलीमा बसोबास गर्ने ४५ वर्षीय दिलबहादुर रायमाझीले तीन वर्षको अवधिमा ती १३ वर्षीया बालिकामाथि त्यस्तो दुर्व्यवहार गरेको अदालतले जनाएको छ । ती बालिकाले आफ्नो विद्यालयकी सुपरिवेक्षकलाई जानकारी दिएपछि उनले प्रहरीलाई सूचित गरेकी थिइन् । एप्रिल २०१७ मा प्रहरीले छानबीन थालेको थियो ।

द स्टार समाचारपत्रका अनुसार, रायमाझीले आफुमाथि लगाइएका आरोपहरु अस्वीकार गरेका थिए ।

ब्रिटिश प्रहरीकी डिटेक्टिभ कनस्टेबल एलिनर ड्युकले ती बालिकाको साहसको प्रशंसा गरेकी छिन् । ती बालिका र रायमाझीबीच कस्तो नाता थियो भन्नेबारे चाहिं समाचारमा केही खुलाइएको छैन् । 

रायमाझीको स्थायी घर गुल्मी कुर्घा उदीका भएको बताइएको छ ।  

प्रतिक्रिया

सम्बन्धित सामाग्री