बलिउड अभिनेत्री काठमाडौंमा, सुन पसल उद्घाटन

काठमाडौं-बलिउडकी चर्चित अभिनेत्री करिष्मा कपुर काठमाडौं आइपुगेकी छिन् । उनी काठमाडौं दरबारमार्गमा खुलेको मेरी गोल्ड ज्वेलर्सको नयाँ शाखा उद्घाटन गर्न काठमाडौं आएकी हुन् ।

मेरीगोल्ड नेपालको पुरानो गहना पसल हो । उसले मेरीगोल्ड (सयपत्री) ज्वेलर्सको दरबारमार्गमा नयाँ शाखा विस्तार गरेको हो ।

उक्त शाखाको उद्घाटन गर्न अभिनेत्री करिष्मा कपुरलाई नेपाल ल्याइएको थियो । करिष्माले सोमबार उक्त शाखा उद्घाटन गरिन् ।

सो अवसरमा ज्वेलर्सकी सञ्चालिक ज्योत्सना श्रेष्ठले कम्पनीले उच्च गुणस्तरका गहना बिक्री गरिररहेको बताइन् । उनले नेपाली परम्परागत पोशाकलाई विश्वबजारमा लैजाने योजना रहेको पनि उल्लेख गरिन् ।

मेरीगोल्डले हाल दरबारमार्गमा खुलेको नयाँ शाखासँगै न्युरोडको शोरुमबाट पनि ग्राहकलाई सेवा प्रदान गरिरहेको छ ।