बेलायतमा स्थानीय निर्वाचन- प्रधानमन्त्रीको पहिलो ठूलो परीक्षण

प्रधानमन्त्री टेरेजा मे । तस्विर-सिन्हवा

लण्डन, २० वैशाख – बेलायतमा आज बिहीबार भइरहेको स्थानीय तहको निर्वाचनमा देशभरका मतदाताले उत्साहपूर्वक सहभागिता जनाएको सरकारले जनाएको छ ।

दशौं लाख मतदाताले गरेको मतदानलाई प्रधानमन्त्री टेरेजा मेको पहिलो ठूलो परीक्षणको रूपमा पनि हेरिएको छ ।

देशभर रहेका १५० काउन्सिलमा निर्वाचन भएको हो । सवै काउन्सिलमा गरेर झण्डै ४४ सय सिट छ ।

प्रधानमन्त्री मे र उनका श्रीमान् फिलिपले लण्डनको वेस्टमिनिस्टर मतदान केन्द्रबाट बिहानै मतदान गरेका थिए ।

राजनीतिक विश्लेषकहरूले जेरेमी कर्बीन नेतृत्वको प्रमुख प्रतिपक्षी दल लेवर पार्टीले सवैभन्दा धेरै ठाँउमा जीत हासिल गर्ने अनुमान गरेका छन् ।

मतदान व्यवस्थित गर्न मतदातालाई पायक पर्ने गरी पहिलेभन्दा धेरै ठाउँमा मतदान केन्द्रहरु राखिएका निर्वाचन अधिकारीले बताए । मतदाता सूचिमा नाम भएकाहरूलाई सवारी चालक अनुमतिपत्र, राहधानी जस्ता फोटो सहितका कुनैपनि आधिकारिक परिचयपत्रका आधारमा मतदान गर्न दिइएको थियो ।

प्रतिक्रिया

सम्बन्धित सामाग्री