बुधबार, कार्तिक ५ २०७७ | Wed, October 21, 2020
नेपालको समय: १८:२२ | UK Time: 13:37

पद्मावतले पहिलो दिनमा कति कमायो ? विरोधका कारण १२ करोड घाटा

वीनेपाली
२०७४ माघ १२ गते १६:०४

मुम्बई- भारतमा सर्वाधिक विवादमा तानिएको फिल्म ‘पद्मावत’ शुक्रबार रिलिज भएको छ । सञ्जय लीला भन्सालीले निर्देशन गरेको यो फिल्म ७ हजार स्क्रिनमा रिलिज भएको हो ।

भारतका ४ राज्यका मल्टिप्लेक्स र थिएटर स्क्रीनले भने फिल्म चलाएनन् । तर, फिल्मले पहिलो दिनमै १८ करोड कमाइ गरेको छ । ट्रेड एनालाइस्ष्टि सुमिल कडेलले चार राज्यमा विरोधका बाबजुद फिल्मले पहिलो दिनमै १८ करोड कमाएको ट्वीटरमा उल्लेख गरेका छन् ।

उनकाअनुसार यदि शान्तिपूर्ण अवस्थामा देशका सबै फिल्म हलमा फिल्म चलेको भए ३० करोड हाराहारीमा ‘कलेक्सन’ गर्न सक्ने सम्भावना थियो । चार राज्यमा श्री राजपुत करनी सेनाका कारण फिल्म चल्न नसकेपछि पहिलो दिनमा १० देखि १२ करोड रुपैयाँ घाटा भएको छ ।

फिल्म करिब १ सय ८० करोड रुपैयाँमा निर्माण भएको हो । त्यसबाहेक थप २० करोड रुपैयाँ फिल्मको अरु पक्षमाथि खर्च गरिएको बताइएको छ ।

प्रतिक्रिया

सम्बन्धित सामाग्री

फेसबुक