मंगलबार, असोज ५ २०७८ | Tue, September 21, 2021
नेपालको समय: ०७:२० | UK Time: 02:35

एनआरएनए यूकेको सिरिसे स्कुल परियोजना शिलान्यास

वीनेपाली
२०७४ मंसिर २८ गते ११:५२

लन्डन । गैर आवासीय नेपाली संघ (एनआरएनए) यूकेको एक कार्यकाल एक परियोजना (२०१५-१७) अन्तर्गत सिरिसे स्कुल परियोजनाको हालै औपचारिक शिलान्यास गरिएको छ ।

परियोजना संयोजक एवं एनआरएनए यूके पूर्व प्रवक्ता खुसी लिम्बु र एनआरएनए आइसीसी सदस्य सुष्मा राईले संयुक्त रुपमा भवन शिलान्यास गरेका हुन् ।

सोही क्रममा लिम्बु र राईले विद्यालयका प्रधानाध्यापक बुद्धिबल मावो र विद्यालय ब्यवस्थापन समितिका अध्यक्ष देवीप्रसाद कोइरालालाई २१ लाख रुपैयां हस्तान्तरणसमेत गरे । सो विद्यालय पांचघरको थर्पुमा अवस्थित छ ।

पहिरो पीडितलाई राहत वितरण


पांचथर समाज यूकेले गत साउनमा आएको पहिरोबाट पीडित बनेका पांचथर फालेलुङ गाउंपालिकाका पहिरो पीडितलाई राहत वितरण गरेको छ । फालेलुङ 
गाउंपालिकाका १४० घर पहिरो पीडितलाई समाजले राहत वितरण गरेको हो ।

पांचथर समाज यूकेका महासचिव खुसी लिम्बुले सो गाउंपालिका वडा नं. ३ का वडाध्यक्ष वीरविक्रम थाम्सुहाङलाई २ लाख ३० हजारको चेक हस्तान्तरण गरे । सो राहत वडा कार्यालयमार्फत वितरण हुनेछ ।

पीडितहरुलाई ‘क’ र ‘ख’ वर्गमा विभक्त गरि १ लाख ३० हजार र अन्य रकम एकीकृत नमुना बस्तीमा खर्च गरिने वडाध्यक्ष वीरविक्रम थाम्सुहाङले बताए । सो क्रममा थाम्सुहाङले पहिरो पीडितको अवस्था निकै नाजुक रहेको अवस्थामा समाजको सहयोगले ठूलो राहत मिलेको बताए । कार्यक्रममा पहिरो पीडितको उल्लेख्य सहभागिता थियो ।

कार्यक्रममा एनआरएनए आइसीसी सदस्य सुष्मा राईको पनि सहभागिता थियो । पांचथर समाज सेवा यूकेका अध्यक्ष चन्द्र बहादुर सुन्दासले सहयोगदाताप्रति आभार व्यक्त 
गर्दै भविष्यमा पनि जिल्लावासीको हितका लागि संस्था क्रियाशिल रहने बताए । (तल भिडियो हेर्नुहोला) 

पांचथर थर्पु समाजको सहयोगमा पुस्तकालय भवन बन्दै

पांचथर थर्पु समाजको सहयोगमा याङवरक गाउँपालिका वडा नम्बर ४ को थर्पुमा पुस्तकालय भवन निर्माण भइरहेको छ । पांचथर थर्पु समाज यूकेद्वारा निर्माणाधिन थर्पु क्याम्पस लाइब्रेरी भवनको लागत करिब १५ लाख रुपैयां हुने अनुमान गरिएको उक्त लाइब्रेरी भवन निर्माण परियोजनाका संयोजक समाजका उपाध्यक्ष खुशी लिम्बु बताए ।

भवन निर्माण कार्य झन्डै ९० प्रतिशत पुरा भइसकेको र आगामी एक वर्षभित्र उद्घाटन हुने पांचथर थर्पु समाज यूकेका अध्यक्ष तिलबिक्रम तावाले बताए ।

हिरो पीडितहरुसँगको भिडियो- 

प्रतिक्रिया

सम्बन्धित सामाग्री

फेसबुक