लन्डनमा कोसेलीको सामूहिक देउसी भैलो (फोटो फिचर)

लन्डन । कोसेली नेपाली सांस्कृतिक परिवार यूकेले शुक्रबार सांझ लन्डनमा सामूहिक देउसी भैलो कार्यक्रम गरेको छ ।

परम्परागत शैलीमा नेपालीको दोश्रो ठूलो सांस्कृतिक पर्व मनाइएको हो । कोसेलीले नेपाली कला संस्कृतिको संरक्षण र बेलायतमै जन्मिएका दोश्रो पुस्तालाई यसबारे अवगत गराउन लामो समय देखि देउसी भैलो कार्यक्रम गर्दै आएको छ । कोसेली अध्यक्ष शर्मिला सिंहले तीन दशक अघि स्थापित उक्त संस्थाले विगतमा घर घर गएर खेल्ने गरेपनि केही वर्ष यता सामूहिक कार्यक्रम गर्न थालेको जनाइन् ।

कार्यक्रममा कोसेली अध्यक्ष सिंह, पूर्व अध्यक्ष अमृत गुरुङ, महासचिव खेम गौतम, गायिका सितु खरेल, निश्चल दाहाल, अमृता गिरी लगायतको समूहले देउसी भैलो सञ्चालन गरेको थियो । संस्थापक अध्यक्ष मदन थापा र प्रमोद शर्माले पनि आफ्नो कला प्रस्तुत गरे । देउसी भैलोसंगै नाच, गायन र सांगीतिक माहोलले वातावरण रोमाञ्चक बनेको थियो ।

पारिवारिक र परम्परागत शैलीमा गरिएको कार्यक्रमले सहभागी दंग देखिन्थे । कार्यक्रममा सहभागी सोलिसिटर राजु थापाले आफ्नो मौलिक परम्परालाई निरन्तरता दिनु कोसेलीको प्रशंसनीय कार्य भएको प्रतिक्रिया दिए ।

तस्विरहरु- नेपाली समाज यूके डट कम