भुट्टोको हत्यामा आफ्नो संलग्नता नरहेको पूर्व शासक मुसरफको दावी

इस्लामाबाद, ६ असोज (रासस-एपी) – पाकिस्तानका पूर्व सैनिक शासक पर्वेज मुसरफले पूर्वप्रधानमन्त्री बेनेजिर भुट्टोको हत्यामा आफ्नो कुनै संलग्नता नरहेको दावी गर्नुभएको छ ।

सन् २००७ मा रावलपिण्डीमा भुट्टोको आत्मघाती हमलामा परी हत्या भएको थियो ।

लण्डनबाट भिडियो सन्देश शुक्रबार सार्वजनिक गर्दै मुसरफले भुट्टोको हत्याबाट उहाँका श्रीमान् असिफ अलि जर्दारी एक जनालाई मात्रै फाइदा भएको बताउनु भएको छ ।

भुट्टोको हत्यापछि त्यसैलाई उपयोग गरेर आफू राष्ट्रपति बन्न सफल भएको मुसरफले दावी गर्नुभयो ।

पाकिस्तानको एउटा अदालतले गत महिना मात्रै भुट्टोको हत्यामा संलग्न भएको भन्दै दुई जना पुर्व प्रहरी अधिकृतलाई १७ बर्ष जेल सजाँय तोकेको थियो ।