साहित्यकार भिष्म उप्रेतीसंग साक्षात्कार

लन्डन । अन्तर्राष्ट्रिय वाङमय प्रतिष्ठान बेलायतले बेलायत भ्रमणका क्रममा साहित्यकार भिष्म उप्रेतीसंग एक साहित्यिक साक्षात्कार गरेको छ । बिहीबार लन्डनमा आयोजित उक्त कार्यक्रममा नेपाल र डायस्पोरामा नेपाली साहित्यको अवस्थाबारे चर्चा गरियो ।

उक्त अवसरमा साहित्य लेखनबारे आफ्नो धारणा राख्दै साहित्यकार उप्रेतीले नेपालमा अनुवाद साहित्यका अप्ठेरो पक्ष केलाए । उनले साहित्य साधनाका क्रममा श्रष्ठाहरु सामान्य मानिस भन्दा अलग हुने बताए ।

लामो समय देखि सिर्जनामा तल्लीन उप्रेतीको कविता, निबन्ध र नियात्रा गरि १७ वटा किताब प्रकाशित भइसकेका छन् । उनका 
रचना अंग्रेजी, हिन्दी, जापानी, कोरियाली आदि भाषामा अनुवाद भएका छन् ।

कार्यक्रममा प्रतिष्ठानका अध्यक्ष विकलचन्द्र आचार्यले नेपाल तथा डायस्पोराका साहित्यकारबीच सम्बन्ध अरु घनीभूत हुनुपर्ने 
औंल्याए । प्रतिष्ठानकी महासचिव जया राई, कोषाध्यक्ष गोपी सापकोटा, होम परिवाग, कवि तथा पत्रकार नारायण गाउंले, नवीन पोखरेल र श्याम लुईंटेलले नेपाली साहित्य तथा बेलायतमा नेपाली पत्रकारिताको अवस्थाबारे आ आफ्नो धारणा व्यक्त गरेका थिए ।

कार्यक्रममा कविता तथा गजल समेत वाचन गरिएको थियो ।