बिहीबार, वैशाख २३ २०७८ | Thu, May 06, 2021
नेपालको समय: ०९:०३ | UK Time: 04:18

बेलायतमा पहिलोपटक ‘मिसेस नेपाल यूके २०१७’ गर्ने तयारी

वीनेपाली
२०७४ जेठ १ गते १२:१५

लन्डन । लन्डन फेसन हाउसले मिसेस नेपाल यूके २०१७ गर्ने भएको छ । बेलायतमा पहिलोपटक यस्तो प्रतियोगिता गर्न लागिएको हो । आगामी २ जुनमा लन्डन साउथ हयारोस्थित हयारो बरो फुटबल क्लवमा हुने अन्तिम प्रतियोगिताका लागि आइतबार पहिलो अडिसन भएको छ ।

आगामी २० मे सम्म आवेदन लिइने र उक्त दिन अन्तिम अडिसनपछि प्रतियोगीहरु फाइनल राउण्डका लागि भिड्ने संस्थाले जनाएको छ । लन्डन फेसन हाउसकी निर्देशक मनिषा डंगोल श्रेष्ठले विवाहित महिलाहरुमा समेत सौन्दर्य हुने जनाउंदै उनीहरुको क्षमता प्रदर्शन एवं ‘सोसियल रिकग्निसन’ का लागि पहिलोपटक यस्तो प्रतियोगिता गर्न लागिएको जनाइन् । कम्तीमा डेढ दर्जन महिलाले प्रतियोगितामा भाग लिने विश्वास गरिएको छ ।

वीनरको टाइटलसहित मिसेस पर्सनालिटी, फोटो जेनिक, टयालेन्ट, पब्लिक च्वाइस आदि विद्यामा अवार्ड दिइने छ । विजेताका लागि सुनको गरगहना, पोशाक देखि अन्य विद्यागत अवसर समेत 
सृजना गरिने डंगोलले बताइन् । प्रतियोगितामा परिचय, टयालेन्ट राउण्ड र गाउन सेग्मेन्ट रहने छ ।

प्रतियोगिताका लागि मिस यूके नेपाल २०१६ टेनिसा राना, मेक अप आर्टिष्ट बिना राई, नर्स गंगा साम्पांग, सामाजिक अभियन्ता सिम्मी पुन, डिजे चांद लामा लगायतको आ आफ्नो विद्यामा प्रत्यक्ष भूमिका रहनेछ ।

आइतबार आयोजित पत्रकार सम्मेलनमा प्रतियोगिताका सल्लाहकार शिवजी श्रेष्ठले बेलायतमा यस्तो अवसर पहिलो पटक भएको जनाउंदै विवाहित महिलाहरुलाई घर धन्दा र जागिरमा मात्र सिमित नभएर आफ्नो क्षमता अभिवृद्धिमा समेत लाग्न सुझाव दिए ।

संस्थाले यसअघि वालवालिकाबीच सौन्दर्य र गायन प्रतियोगिता गरिसकेको छ ।

तस्विरः एभरेष्ट गौतम

प्रतिक्रिया

सम्बन्धित सामाग्री

फेसबुक