लण्डन । हङकङमा बनेको नेपाली फिल्म ‘द प्लान’ युट्युबमार्फत सार्वजनिक भएको छ । यो चलचित्रलाई हाईलाईट्सले यूट्यूबमा सार्वजनिक गरेको हो ।
कृष्णबहादुर लाम्गादेको निर्माणमा बनेको यो फिल्मलाई प्रविन बराईली निर्देशन गरेका हुन् । चलचित्रका सहायक निर्माताहरूमा युद्ध पुन, शिब लिम्बु, दिपेश लाम्गादे, सन्तोष लाम्गादे र रत्न लाम्गादे छन् । फिल्ममा छायांकन र सम्पादन पनि निर्देशक बराइलीकै रहेको छ । सस्पेन्स विषयवस्तु समेटेको चलचित्रले दर्शकहरूलाई बाँध्न सफल देखिन्छ ।
चलचित्रको सम्पूर्ण छायांकन हङकङमा गरिएको थियो । यो चलचित्रमा लामो समयदेखि बेलायतमा बसेर पनि अभिनयमा सक्रिय ध्रुव दत्त, जुनु पुन, सब्रिना श्रेष्ठ, युद्ध पुन, शिवा लिम्बु लगायतका कलाकारको अभिनय छ । दत्तको यो पहिलो चलचित्र हो ।
