डार्टफोर्डमा पहिलो पटक स्वास्थ्य शिविर

लन्डन । डार्टफोर्ड नेपलिज कम्युनिटीले १७ डिसेम्बर शनिबार डार्टफोर्डमा स्वास्थ्य शिविर तथा जनचेतना कार्यक्रम गरेको छ । बाप्टिस्ट चर्च, डार्टफोर्डमा आयोजित उक्त शिविरमा ५० भन्दा बढिले निशुल्क स्वास्थ्य परिक्षण गराए । चिकित्सक र नर्सहरुले ब्लड प्रेसर, सुगर र बिएमआइ परिक्षण गरि सहभागीलाई बेलायतमा स्वास्थ्य सेवाको पहुंच, जनस्वास्थ्य र स्ट्रोकबारे जानकारी दिलाएको कम्युनिटी अध्यक्ष राजेश पाठकले जनाए । जनचेतना सेसन दुई चिकित्सक डा. सुधीर लोहनी र डा. शम्भु तुलाधर तथा पांचजना 
नर्सहरु सुनिता गौतम, ज्योति श्रेष्ठ, सन्जिता देउजा, शशी घिमिरे र सुनिता बोहोराले सञ्चालन गरेका हुन् ।

कम्युनिटीले डार्टफोर्ड क्षेत्रमा पहिलो पटक यस्तो स्वास्थ्य शिविर तथा जनचेतना कार्यक्रम गरेको हो । अध्यक्ष पाठकले शिविर सफल बनाउन सहयोग गर्ने समस्त चिकित्सक, नर्स, कमिटी सदस्यहरु बाबुराम गुरुङ, दीपक थापा, सुनिल न्यौपाने, रमेश गुरुङ र सन्तोष श्रेष्ठप्रति आभार व्यक्त गरेका छन् ।