एनआरएनए यूकेले चुनावमा मात्र सदस्यता विस्तार गर्ने परम्परा तोड्दै

लन्डन । एनआरएनए यूकेले चुनावमा मात्र सदस्यता बटुलिने यसअघिको परम्परा तोड्दै अहिले नै सदस्य संख्या वृद्धि गर्ने रणनीति लिएको छ । आइतबार अल्डरसटस्थित भेटघाट रेष्टुरेन्टमा आयोजित बैठकले तत्काल सदस्यता विस्तारलाई प्राथमिकतामा राख्ने निर्णय गरेको हो । संघप्रति जनमानसको आकर्षण घटिरहेका बेला यस्तो निर्णय भएको छ ।

एनआरएनए यूके अध्यक्ष मुछेत्र गुरुङको अध्यक्षतामा भएको उक्त बैठकले संघको आफ्नो महत्वकांक्षी नेपाल हाउस प्रोजेक्टका लागि कोष अभिवृद्धि 
गर्ने उद्देश्यले आगामी २६ डिसेम्बरका दिन च्यारिटी डिनर गर्ने निर्णय समेत गरेको छ ।

त्यसैगरि, स्कटल्याण्ड, नर्दन आयरल्याण्ड र वेल्समा क्षेत्रीय भेला गर्ने सहमति अनुरुप ति भेलाको संयोजन गर्न उपाध्यक्ष दासु पाण्डेलाई जिम्मेवारी तोकिइएको सचिव फडिन्द्र भट्टराईले जानकारी दिए । भेला हुने स्थान र मिति भने पछि तय गरिने बताइएको छ ।