मंगलबार, कार्तिक ४ २०७७ | Tue, October 20, 2020
नेपालको समय: ०६:२९ | UK Time: 01:44

राजदूत डा. सुवेदी शुभकामना दिनेप्रति कृतज्ञ, मागे अमुल्य सुझाव

वीनेपाली
२०७३ असोज १४ गते १५:५२

new-ambassador-subedi
लन्डन । नवनियुक्त राजदूत डा. दुर्गाबहादुर सुवेदीले आफ्नो नियुक्तिका अवसरमा शुभकामना दिने सबैप्रति कृतज्ञता व्यक्त गरेका छन् ।

शुक्रबार उनले हार्दिक आभार र कृतज्ञता व्यक्त गर्दै तीस वर्ष लामो नेपाल सरकारको परराष्ट्र सेवाको अनुभव, योग्यता र क्षमता प्रयोग गरी नेपाल र बेलायतबीचको दौत्य सम्वन्ध अझ सुदृढ र सुमधुर बनाउंदै नेपालको आर्थिक सामाजिक विकासमा सहयोग र सद्भावना जुटाउने प्रतिवद्धता समेत व्यक्त गरेका छन् ।

आफ्नो कार्यकालमा सबैबाट सहयोग प्राप्त हुने आशा उनलाई छ ।

डा. सुवेदीले यस्तो लेखेका छन्ः

हार्दिक आभार र सादर कृतज्ञता

संयुक्त अधिराज्य (बेलायत) का लागि नेपालको राजदूतमा नियुक्ति भएको अवसरमा मलाई बधाई तथा शुभकामना दिनुहुने हजुरहरु सबैमा म हार्दिक आभार र सादर कृतज्ञता व्यक्त गर्न चाहन्छु ।

तीस वर्ष लामो नेपाल सरकारको परराष्ट्र सेवाको मेरो अनुभव, योग्यता र क्षमता प्रयोग गरी नेपाल र संयुक्त अधिराज्यबीच रहेको दौत्य सम्बन्धलाई अझ सदृढ र सुमधुर बनाउँदै नेपालको आर्थिक र सामाजिक विकासमा सहयोग र सदभावना जुटाउन म सदैव प्रतिवद्ध र प्रयत्नशील रहने छु ।

साथै संयुक्त अधिराज्यमा रहनुहुने सबै नेपाली दाजभाई तथा दिदीबहिनीहरुको हक, हित र कल्याणका लागि प्रतिवद्ध रहँदै नेपाली दाजुभाई तथा दिदीबहिनीहरुको ज्ञान, सीप र पूँजीलाई नेपालको सर्वाङ्गीण विकासमा उपयोग गर्ने वातावरण निर्माण गर्न म क्रियाशील रहनेछु । मलाई हजुरहरु सबैको अमूल्य सुझाव, सहयोग र साथ प्राप्त हुनेछ भन्ने विश्वास गरेको छु ।

आदरपूर्वक,
डा.दुर्गाबहादुर सुवेदी
राजदूत

प्रतिक्रिया

सम्बन्धित सामाग्री

फेसबुक