रहेनन् चर्चित गायक सुनिल बर्देवा

लन्डन । चर्चित गायक, संगीतकार तथा संगीत संयोजक सुनिल बर्देवाको दुःखद निधन भएको छ । रेडियो कान्तिपुरका अनुसार उनको मंगलबार राती उपचारका क्रममा टिचिंग अस्पतालमा निधन भएको हो । उनका गोरेटो अनि उस्तै छ गल्ली, बिहानीमा, पर्खाइमा, जब म लगायत गीत चर्चित छन् । उनका जब म, मेरो गितार, बेस्ट अफ सुनिल बर्देवा लगायत अल्बम प्रकाशित छन् । उनका १ छोरा र १ छोरी छन् । गत वर्ष श्रीमतीको देहान्तपछि वियोगमा थिए सुनिल ।

उनको पार्थिव शरीर भोलि बिहान केही घण्टा नेपाल प्रज्ञा प्रतिष्ठानमा अन्तिम श्रद्धान्जलीका लागि राखिने र भोलि नै पशुपति आर्यघाटमा दाह संस्कार गरिने समाचारमा उल्लेख छ ।