मंगलबार, कार्तिक ११ २०७७ | Tue, October 27, 2020
नेपालको समय: ०२:४५ | UK Time: 21:00

घरबारबिहीनहरुको सहयोगार्थ नेपाली बालकले गरे च्यारिटी वाक

वीनेपाली
२०७३ भदौ २८ गते १२:५७

photo-1
लन्डन । बेलायतको वेल्समा जन्मिएर हाल इंगल्यान्डको ह्याम्पसायरस्थित बेजिंगस्टोकमा बसोबासरत शुभाशिस श्रेष्ठले नर्थ ह्याम्पसायरस्थित माइकल हस्पाइसको सहयोगार्थ ८.५ माइल लामो च्यारिटी वाक गरेका छन् । उनले उक्त पदयात्राबाट एक लाख रुपैयाभन्दा बढि सहयोग रकम संकलन गरेका छन् । गत शनिबार राति १० बजे शुरु भएको उक्त मुनलाइट वाकमा आफ्ना बाबु शिवजी श्रेष्ठसंगै सहभागी शुभाशिसले करिब ३ घन्टामा पुरा गरेका थिए ।

सन् १९९१ मा पूर्व मेयर मार्गरेट वेस्टनको नेतृत्वमा स्थापित सो हस्पाइसमा छोटो आयु भएका अर्थात क्यान्सर जस्ता गम्भीर रोगहरुबाट ग्रसित भइ जीवनको अन्तिम क्षणमा पुगेकाहरुलाई राखिन्छ ।

विगत २५ बर्षदेखि यस्ता रोगबाट पीडितहरुको सेवा गर्दै आएको उक्त संस्थाबाट प्रत्येक वर्ष ५०० भन्दा बढिले सेवा प्राप्त गर्दछन् ।

१२ वर्षीय शुभाशिसले गत बर्ष नेपालमा विनासकारी भूकम्प पीडितहरुको सहयोगार्थ आफू पढेको विद्यालयमा ‘नन युनिफर्म डे’ कार्यक्रम गराएर सहयोग रकम समेत संकलन गरेका थिए । यसका साथै आगामी अक्टोबर १५ मा बेलायतको बेजिंगस्टोकस्थित घरबारबिहीनहरुको सहयोगार्थ काउन्सिलर नाइजल पियर्स नेतृत्वको ‘क्याम्रोज सेन्टर फर होमलेस पिपुल इन बेजिंगस्टोक ’ द्वारा आयोजना गरिएको तथा आफ्ना बुवा शिवजी श्रेष्ठले संयोजन गरिरहेको ‘अ इभिनिंग फ्रम नेपाल’ नामक च्यारिटी कार्यक्रममा उनले नेपाली गीत गाउने तयारी पनि गरिरहेका छन् ।

प्रतिक्रिया

सम्बन्धित सामाग्री

फेसबुक