कार्यवहाक राजदूत आरनलाई साहित्य परिषदको सम्मान

लन्डन । नेपाली साहित्य विकास परिषद बेलायतले आफ्ना पदेन संरक्षक तथा बेलायतका लागि कार्यवहाक राजदूत शरदराज आरनलाई सम्मान गरेको छ ।

परिषदका कार्यवहाक अध्यक्ष कोमलप्रसाद श्रेष्ठ मल्लले दूतावास भवन गएर आरनलाई सम्मान पत्र हस्तान्तरण गरे । मल्लले कार्यवहाक राजदूतको सफल कार्यकालको शुभकामना समेत दिए ।

आफूलाई सम्मान दिएकामा आरनले कृतज्ञता व्यक्त गर्दै परिषदले बेलायत बसेर पनि नेपाली साहित्यको उत्थानमा अग्रणी भूमिका निर्वाह गरिरहेको बताए ।