क्लब फिफ्टीको दशैं पार्टी १ अक्टोबरमा

लन्डन । क्लब फिफ्टी यूकेको दशैं पार्टी आगामी १ अक्टोबर शनिबार हुने भएको छ । सन लाउन्ज अल्पर्टनमा सांझ ६ देखि कार्यक्रम हुन लागेको हो ।
संस्थाले दशैं शुभकामना आदानप्रदान गर्न सांस्कृतिक प्रस्तुतिसहित पार्टी गर्न लागेको महासचिव भरत रोकाले जानकारी दिए । संस्थाका अध्यक्ष उत्तम खड्काले कार्यक्रममा इच्छुकलाई सहभागी हुन आग्रह गरेका छन् ।
स्थापनाको छोटो समयमै संस्थाले नेपालमा विभिन्न सामाजिक कार्य र भूकम्प पीडितलाई आर्थिक सहयोग गरिसकेको छ ।