बुधबार, कार्तिक ५ २०७७ | Wed, October 21, 2020
नेपालको समय: ०८:१६ | UK Time: 03:31

दूतावासमा महिलाले मनाए तीज (फोटो फिचर)

वीनेपाली
२०७३ भदौ १२ गते १:१९

14151996_10207064517600200_2079117445_o
लन्डन । राताम्मे सारी ब्लाउज, झपक्क गरगहना । लोभलाग्दो नेपाली सांगीतिक माहोल । शनिबार महिलाहरुले भरिभराउ थियो लन्डनस्थित नेपाली दूतावास भवन । दूतावास र नेपलिज वुमन एसोसिएसन यूकेले संयुक्त रुपमा आयोजना गरेको तीज कार्यक्रममा सयौं महिला सहभागी भए । महिलाहरुको मात्र वाहुल्य रहेको उक्त कार्यक्रममा औपचारिकता खासै भएन । कार्यवहाक राजदूत शरदराज आरन र नेपलिज वुमन एसोसिएसन यूके अध्यक्ष आरती श्रेष्ठले संक्षिप्त मन्तव्यमा महिलाहरुको महान पर्व तीजको शुभकामना दिंदै नेपाली संस्कृतिको जगेर्ना र एकापसमा भेटघाटका लागि कार्यक्रम गरिएको बताए ।

14123353_10207064536080662_1426171071_o

सपन इन्टरटेन्मेन्ट लि.का सपनकुमार राईको डिजे र गीत संगीतमा महिलाहरु मध्यान्ह १२ देखि सांझ ६ बजेसम्म रमाए । प्रसुना कंडेल, प्रतिष्ठा 
त्रिपाठी, सुस्मिता थापाले एकल र महिलाहरुको समूहले तीज गीतमा धित मरुन्जेल नाचगान गरे । सहभागीलाई दर र पेय पदार्थको समेत व्यवस्था थियो । दूतावास र एसोसिएसनले नै सेलरोटी, खीर, गोलभेंडाको अचार, खशीको मासु आदि नेपाली टिपिकल खाना व्यवस्था गरेका थिए । उक्त अवसरमा राफल चिट्ठा पनि खेलाइएको थियो ।

कार्यक्रममा सैनिक सहचारी कर्णेल प्रदीपजंग केसी, थर्ड सेक्रेटरी भूपेन्द्र प्रसाद घिमिरे, अट्याची तेजेन्द्र रेग्मी लगायत दूतावास कर्मचारीको पनि सहभागिता थियो ।

14087664_10207064546680927_1883775176_o

तस्विरहरुः शिव भण्डारी

प्रतिक्रिया

सम्बन्धित सामाग्री

फेसबुक