शनिबार, कार्तिक १५ २०७७ | Sat, October 31, 2020
नेपालको समय: ०४:३९ | UK Time: 22:54

‘तिम्रो खबर’ सोध्दै मदन गोपाल

वीनेपाली
२०७३ साउन २५ गते २१:११

13978347_10208340274998931_1346277509_o

काठमाडौ“– गायक संगीतकार मदनगोपाल नयां गीतसहित श्रोतामाझ आएका छन् । ‘तिम्रो खबर आएन खै…’ गीत र यसको म्यूजिक भिडियो राजधानीमा हालै सार्वजनिक गरिएको हो ।
पत्रकार पारस नेपालले लेखेको गीत पाकिस्तानी संगीतकार इमाद रहमानले संगीतबद्ध गरेका हुन् । संगीत संयोजन पनि इमादकै हो, जो कराचीमा बसेर संगीतकर्ममा क्रियाशील छन् ।

‘तिम्रो खबर आएन खै…’ गीत मदनगोपालको पांचौ एल्बम ‘तिम्रो खबर’ मा रहनेछ, जुन आउंदो दशैंअगाडि सार्वजनिक हुनेछ । मदनगोपालका यसअघि ‘अलमोस्ट,’ ‘आकृति,’ ‘लक्ष्मी’ र ‘कामिनी’ एल्बम निक्लिसकेका छन् । उनले ‘सांघुरो’, ‘खुडकिलो’ सहित केही फिल्मका गीतमा स्वर तथा संगीत दिएका छन्, बालगीत, भजन, स्वदेशगान लगायत पनि गाएका छन् ।
‘तिम्रो खबर…’ म्यूजिक भिडियोमा अभिनेता भोलाराज सापकोटा, वर्षा शिवाकोटी र केभिन कार्कीले अभिनय गरेका छन् । यसलाई निर्देशन गरेका हुन् सुरजसिंह ठकुरीले ।

‘यसअघिका भन्दा यो गीतमा मदन भाइको स्वरले बढी न्याय गरेको अनुभव भयो,’ गीतकार रोशन भट्टराईले कार्यक्रममा भने । फुटबलका पूर्व राष्ट्रिय खेलाडी हरि खड्काले गीतको सफलताको कामना गरे भने, भोलाराजले म्युजिक भिडियो फिल्मकै हिसाबले बनेकाले श्रोताहरूले रुचाउने बताए । संगीतकर्मी राजीव शाहले उक्त गीत मदनले मनमुटु दिएर गाएको टिप्पणी गरे ।
आफूले उक्त गीत कुरकुरे बैंसमा लेखेको उल्लेख गर्दै पारसले करिब दुई दशकपछि पाकिस्तानी संगीतकारको हातबाट संगीतबद्ध भएर श्रोतामाझ आउनु मीठो संयोग रहेको सुनाए । कान्तिपुर दैनिकका वरिष्ठ उपसम्पादक पारस आफैं गाउंछन् पनि । दुई वर्षअघि ‘नालापानी कालापानी’ सिंगल ट्र्याक निकालेका उनको अर्को एल्बम ‘आमा नेपाल’ दशैंअगाडि बजारमा आउंदै छ ।

‘इमाद दुई वर्षअघि काठमान्डु आएका बेला कल्चरल एक्सचेन्जका रूपमा यो गीतको काम सुरु भएको थियो,’ मदनले भने, ‘श्रोताहरूले यसलाई नयां स्वादका रूपमा लिनुहोला भन्ने आशा छ ।’
त्रिविबाट व्यवस्थापनमा स्नातक र शास्त्रीय संगीतमा स्नातकोत्तर मदन राजधानीका चेल्सी इन्टरनेसनल एकेडेमी, ओलम्पिया वल्र्ड हाइयर सेकेन्डरी स्कुल, भीएस निकेतन, माइती नेपाल, नेपाल संगीत विद्यालयमा संगीतसमेत पढाउंछन् ।

गीत यो लिंकमा गएर सुन्न सकिन्छ ः

प्रतिक्रिया

सम्बन्धित सामाग्री

फेसबुक