काठमाडौँ, १९ असार । नेपाली सेनाले वर्षाका कारण धादिङको री गाविस–९ को चेप्राङमा गएको पहिरोमा फसेका सात जनाको आज सकुशल उद्धार गरेको छ ।
काठमाडौँबाट गएको सेनाको हेलिकोप्टर एवम् विपद् सहयोग तथा उद्धार टोली र नेपाली सेनाको देवीदत्त गणबाट गएको टोलीले उनीहरुलाई सकुशल उद्धार गरेको हो ।
उद्धार गरिएकामध्ये चार जनालाई सदरमुकाम धादिङबेँसीमा ल्याई थप उपचारका लागि नेपाल रेडक्रस सोसाइटीमा र अन्य तीन जनालाई री गाउँको मेलेडाँडामा राखिएको सैनिक जनसम्पर्क निर्देशनालयले जनाएको छ ।
