अफगानिस्तानमा मृत्यु भएका आठ शव सम्बन्धित जिल्लामा

काठमाडौँ, ८ असार । नेपाली सेनाले अफगानिस्तानको काबुलमा भएको घटनामा परी ज्यान गुमाएका आठ जनाको शव सम्बन्धित जिल्लामा पुरयाउन सहयोग गरेको छ ।

सैनिक जनसम्पर्क निर्देशनालयका अनुसार नुवाकोट, लमजुङ र पर्वत ठेगाना भएका पाँच व्यक्तिको शव एमआइ १७ मार्फत आजै पुरयाइसकिएको छ ।

त्यसैगरी, सेनाको हवाइजहाजमार्फत भैरहवा, विराटनगर र भरतपुर तीन वटा शव पुरयाइएको बताइएको छ । उक्त घटनामा ज्यान गुमाएका १२ जना नेपालीको शव आजै काबुलबाट काठमाडाँै ल्याइएको थियो । घटनामा ज्यान गुमाउनेमा काठमाडौँका चन्द्रबहादुर रानामगर, विदुरबहादुर सुवेदी क्षेत्री, हरिबहादुर बरुवाल क्षेत्री, नुवाकोटका लिलबहादुर गुरुङ, डम्बरबहादुर तामाङ, मधुसुदन कोइराला, लमजुङका अमितबहादुर थापा, चितवनका कृष्णबहादुर ढुङ्गाना, स्याङ्जाका सुकबहादुर गुरुङ, रुपन्देहीका जितेन्द्रसिह थापा, पर्वतका नवीनबहादुर क्षेत्री र सुनसरीका अकुर तामाङ रहेका छन् ।