सोमबार, कार्तिक १० २०७७ | Mon, October 26, 2020
नेपालको समय: १४:०७ | UK Time: 08:22

ज्याेति मगरकाे गीत, साङलाे र बलेकाे हाँस्यले लेष्टरबासी दंग

वीनेपाली
२०७३ असार १ गते २०:१८

Sajha

केशव भण्डारी, पिटरबरो ।  बेलायतको मिडल्याण्ड र वरपरका विभिन्न चार संस्था मिलेर बनेको साझा नेपाली समाजले कल्याणकारी काेष खडा गर्नका लागि एक साँस्कृतिक कार्यक्रम गरेकाे छ ।

सोमबार साँझ लेष्टरस्थित म्यापल बैंक्वेटिंग हलमा भएकाे साे साँस्कृतिक कार्यक्रममा नेपालबाट अाएकी ज्याेति मगर तथा हाँस्यकलाकारहरू साङलाे ब्राे र बलेले बेजाेड प्रस्तुति दिएका थिए । कार्यक्रममा  लेसेष्टर, नटिंघम, ओल्भरह्याम्पटन, पिटरबरो, बर्मिंघम, ग्रान्थाम, स्पाल्डिंग, कोलबेल, ननिटन, डर्बी र यस वरपर रहेका करीब ३०० नेपालीहरुको उपस्थिति रहेकाे थियाे ।

नेपालमा परेका विपत्तिका लागि सहयोग जुटाउन गरिएको उक्त साँस्कृतिक कार्यक्रमले मिड्ल्याण्ड र यस वरपर रहेका नेपालीलाई एक सकारात्मक सन्देश जानुका साथै यसबाट उठेको रकम नेपालमा पुर्याईने साझाका अध्यक्ष रण के.सी.ले बताए । साथै पिटरबरोका नेपालीहरुबाट शुरु गरिएको धुर्मुस–सुन्तली फाउन्डेशनलाई सहयोग गर्ने अभियानलाई साझाले पनि समर्थन गर्दै साझाका उपाध्यक्ष महेश अधिकारीको संयजकत्वमा सहयोग संकलन गर्ने निर्णय जानकारी गराउँदै सबैमा सहयोगको अपील पनि गरियाे ।

साझाका अध्यक्ष रण के.सी.को सभापतित्वमा सम्पन्न पहिलो चरणको संक्षिप्त कार्यक्रममा साझाका निवर्तमान् अध्यक्ष एवं सल्लाहकार राजु कंडेलले वर्तमान् कार्यसमितिका पदाधिकारी, सदस्य एवं सल्लाहकारहरुको परिचय गराएका थिए । साझाको कल्याणकारी कोषको लागि गरिएको यस सांस्कृतिक साँझका संयोजक एवं संस्थाका संस्थापक अध्यक्ष शंकर भण्डारीले कार्यक्रमको बारेमा जानकारी गराएका थिए ।संस्थाका महासचिव हरि कार्कीले संचालन गरेको कार्यक्रममा संस्थाका उपाध्यक्ष महेश अधिकारीले स्वागत मन्तव्य गरेका थिए । कल्याणकारी कोष व्यवस्थापन समितिका संयोजक एवं लेष्टर समाजका निवर्तमान अध्यक्ष दयानिधि सापकोटाले कोषका बारेमा बोलेका थिए।

कार्यक्रमको दोश्रो चरणमा पत्रकार एवं रेडियोआरजे नृपेश उप्रेतीकाे उद्घोषण, ज्योति मगरको नृत्य एवं हास्य कलाकारद्धयको प्रहशनले कार्यक्रमका उत्कृष्ट हुनुका साथै सहभागी भरपूर मनोरन्जन लिएका थिए ।

प्रतिक्रिया

सम्बन्धित सामाग्री

फेसबुक