मिस यूके नेपालका प्रतिष्पर्धी न्यू लुकमा

लन्डन । २१ अगष्ट सांझ अल्डरसटमा हुन गइरहेको पांचौं मिस यूके नेपाल २०१६ का प्रतिष्पर्धीहरु सप्ताहन्त नयां लुकमा देखिए । फोटोसुट अन्तर्गत कुल ८ जना प्रतिष्पर्धीले अमर राईबाट फोटो र मनिराम राईबाट भिडियो सुट गराएका हुन् ।

आयोजक इभेन्ट्स एण्ड आइडियाजकी निर्देशक शान्ति गुरुङले प्रतियोगिताको तयारी व्यापक भइरहेको जानकारी दिंदै अब ट्यालेन्ट राउण्ड छिट्टै शुरु गरिने बताइन् । पब्लिक च्वाइसका लागि अनलाइन भोटिङ पनि छिट्टै शुरु 
गर्ने तयारीमा आयोजक छन् ।

प्रतिष्पर्धीलाई प्रशिक्षण दिन नायिका प्रियंका कार्की अगष्ट पहिलो साता बेलायत आउने कार्यक्रम छ । प्रियंकाले ८ अगष्टदेखि प्रशिक्षण दिनेछिन् ।

सन् २०१० देखि शुरु मिस यूके नेपाल प्रतिष्पर्धी अभावका कारण सन् २०१३ र २०१५ मा भने स्थगित भएको थियो । यो पटक पनि अन्तिम समयमा ४ जना प्रतियोगिताबाट बाहिरिएको जनाउंदै शान्तिले अभिभावकहरु कन्भिन्स् हुन नसकेसम्म यस्ता प्रतियोगिता सञ्चालन गर्न कठिनाइ भइरहने बताइन् ।