नेपालमा लगानी गर्न एनसिअाइ युकेकाे डेनिस लगानीकर्तासित छलफल

लण्डन । साउथ इस्ट लण्डनका नेपालीहरूकाे पहलमा स्थापित नेपलिज काेअपरेटिभ इन्भेष्टमेण्ट (एनसिअाइ) युकेले नेपालमा सम्भावित लगानीका बारेमा डेनिस व्यवसायीहरूसित छलफल गरेकाे छ ।

गत  शनिबार लण्डनमा भएकाे साे छलफलमा डेनमार्कका व्यवसायीहरू पर मिकल्सन र निक हरलेक सहभागी थिए । साे छलफल मुख्य रूपमा नेपालमा सौर्य उर्जामा लगानीका बारेमा केन्द्रीत रहेका एनसिअाइ युकेका अध्यक्ष माेहन गुरूङले जानकारी दिए ।

एनसिआईका अध्यक्ष गुरुङको अध्यक्षतामा भएकाे सो छलफलमा करिब ३० जना सदस्यहरु उपस्थित थिए ।

यसअघि नेपालमा गइ अध्यक्ष गुरूङले उर्जा तथा वातावरण, विज्ञान तथा प्रविधि मन्त्रीसित नेपालमा सौर्य उर्जा उत्पादनमा लगानीका बारेमा छलफल गरिसकेका छन।

एनसिअाइमा युकेका करिब डेढ सय नेपाली व्यवसायीहरु अावद्ध रहेका छन् ।

साे समूहले युकेमा घर जग्गा तथा नेपालमा पनि लगानी गरिसकेकाे छ ।